GoHome.com.hk
ENG

買村屋知多D 入市前必睇!

2016-10-18 14:27:07

近年不少人都喜歡居住於村屋,因村屋四處環境清靜,空間較大,現時不少地區的村屋交通也很方便,而選擇村屋地下單位更有個小花園,比起不少劏房新盤,絕對是更適合首次、甚至換樓人士。

但無論銀碼大或細,買樓對於很多小市民嚟講都是人生重要嘅決定,比起其他住宅物業,新界村屋業權問題複雜,大家入市之前,除查閱土地註冊處的紀錄外,亦宜要求業主出示政府發出的租契或批約,以證明對方是業權擁有人。

準買家亦可查看物業是否已經獲批建屋牌照、滿意紙,或建屋時獲批發的建築工程、地盤平整工程和渠務工程的豁免證明書,以證明村屋係合法建築。另外,部分村屋設有轉售限制,需要補地價先可以轉售,準買家簽約前,要先確保該村屋已經完成補地價。

村屋盤搜尋

Traditional Village Houses in Hong Kong

值得一提,唔好見間村屋睇起來新淨企理,就「想當然」覺得合法冇問題,近年樓價飛升,有業主將寮屋或牌照屋裝修得美輪美奐,然後轉售圖利;亦曾經有商人在農地上無牌興建住宅出售、出租,但結果被政府收回土地。正因為問題複雜,如果準買家有任可疑問,記得向律師尋求法律意見,免招損失。

延伸閱讀:村屋與一般住宅按揭大不同

除此之外,僭建亦都係買村屋其中一個要關注的地方,屋宇署已經表明會積極取締潛在風險較高的僭建物,包括樓高四層或以上的村屋及覆蓋天台面積超過一半的圍封式天台建築物等,準買家睇樓時要多加留意。

雖然有準買家會覺得多間天台屋,可用空間可以倍增,唔介意買入,不過日後法律責任及可能出現的清拆開支,也要由新業主承擔,而部分銀行更可能唔會批出有僭建村屋的按揭,結果可大可小!

延伸閱讀:熱門村屋地區-西貢非獨立排屋 200萬就有交易

村屋仲有好多市區人意想不到嘅問題。例如好多住村屋的朋友為求方便都會駕車出入,記得問問代理,出入車路的路權誰屬,是否需要支付過路費。泊車位、花園或天台是否入契同有使用權,都要清楚確認。

講咁多,唔係話村屋唔好,只係希望大家唔好怕長氣問多兩句,做個負責任業主啦。

返回村屋攻略目錄