GoHome.com.hk
ENG

租住村屋5個要留意事項

2016-10-18 13:04:20

好多住開市區高樓大廈的朋友可能會怕唔慣,想先試下租村屋感受環境。無論你因為咩原因租村屋,記得留意以下5個事項:

村屋

1)租村屋同租市區住宅大同小異,但要特別注意搵啱業主。因為村屋業權容易模糊不清,若有心水村屋想租,可透過代理要求對方出示政府的租契或批約,確保對方為村屋的真正業主。

延伸閱讀:買村屋知多D 入市前必睇!

2)睇樓時可以留意熱水爐是否屬於儲水式,免得冬天熱水不夠熱,室內外水管有否破裂或生銹。擬定租約時,宜列明屋內外電器及設施的狀況,確保電器運作正常;另外租約亦應訂明無其他額外附加費用,如泊車費及路費等。

Hong kong countryside sunset

3)順帶一提,雖然租客唔需負上村屋僭建的責任,但如果業主需要清拆僭建物,亦可能會打擾到你,所以最好避免租住有僭建的村屋。

延伸閱讀:熱門村屋地區-西貢非獨立排屋 200萬就有交易

4)另外,近路口的村屋交通較方便,但可能有噪音問題;村內的位置較寧靜,但距離車站可以很遠。每個人的喜好不同,睇樓時最好實地感受一下,自己再衡量和取捨。 村屋盤搜尋

5)仲有件好重要嘅事,就係上網。住市區覺得理所當然嘅事,喺村屋並唔係必然。部分村屋所在地點的寬頻上網服務,可能較市區同類服務昂貴,亦未必可以鋪設光纖上網,宜先向網絡服務供應商查詢相關收費及服務覆蓋區域。現時有些電訊商提供無限用量的4G數據卡,可充當寬頻之用,但接收訊號同速度未必有保證,睇樓時帶埋電話邊行邊上網,順便測試一下訊號如何啦。

返回村屋攻略目錄