GoHome.com.hk
ENG

【校網攻略2017】香港區名校網選「宅」

2016-11-16 17:16:16

港島1112校網名校多 

港島區一共有5個小學校網,名校多而且學校平均質素都高,要數11校網(中西區)、12校網(灣仔)同14校網(北角),雖然校網內有個別學校的質素平平,但都有不少地區名校,都可以話係唔錯嘅選擇;而16校網(柴灣/筲箕灣)同18校網(香港仔/薄扶林/赤柱/黃竹坑),喺港島區嚟講算就係冇咁突出嘅校網。

HK_StPaulsCoEducationalCollege_KennedyRd-school

堪稱港島區「校網王」嘅11校網,名校林立,不少政商界名人都係讀呢區嘅小學出身,例如聖士提反女子中學附屬小學,培育過立法會前主席范徐麗泰;另一位前主席曾鈺成,就讀過11校網入面嘅聖公會聖彼得小學。

當然,曾了解過小一派位程序嘅家長都知道,如果喺自行分配學位階段未能成功爭取到學校,去到「統一派位」階段,好大程度係隨機派、講運氣,到時唔好話入名校,只要唔派到一間差嘅學校已經好好。所以,喺「統一派位」階段,校網入面學校嘅平均水平,就非常重要。

延伸閱讀:【校網攻略2017】九龍區名校網選「宅」

11校網有16間資助或官立學校,基本上冇一間算係「差」,所以都有人形容呢個校網冇得輸,係非常穩陣之選。

另外,11校網入面嘅聖士提反女子中學附屬小學同嘉諾撒聖心學校,都有直屬中學,兼且都係名校。因為直屬中學要保留統一派位階段嘅85%學位俾佢哋,所以入到呢兩間學校,6年之後嘅中學派位,只要小朋友表現唔太差,都好大機會可以升上去,真真正正贏在起跑線。

換樓首選寶翠園 主打3房套房單位 

11校網入面,西半山寶翠園可以話係最具規模嘅大型屋苑,屋苑由6座大廈組成,共有2,213伙,3房連套房嘅大單位佔全盤超過一半,對預算充裕嘅家長嚟講,係唔錯嘅換樓選擇。屋苑最新平均實用呎價約21,400元(建築約16,800元),3房連套房間隔嘅單位,依家入場費約1,750萬。

尋找寶翠園筍盤

寶翠園位處半山,好多單位都望到海景。唔好以為半山就一定交通不便,港鐵香港大學站C1出口就喺屋苑一街之隔,距離只係約150米,非常方便,由該站搭車到中環車程只係6分鐘,隨時快過揸車。屋苑基座為西寶城商場,住客亦可以經商場到石塘咀,嗰度有唔少食肆,生活配套齊全。

延伸閱讀:【校網攻略2017】靚校網 低水盤

寶翠園

泓都帝后華庭 兩房為主兼備1房細戶 

寶翠園其實都有接近四成單位屬兩房戶,但就算唔連套房嗰隻,入場費過1,100萬,對於普通中產家庭,供起嚟可能會有少少吃力。所以,介紹返,校網入面仲有兩個大型屋苑,分別係堅尼地城泓都,同西營盤帝后華庭。

尋找泓都筍盤

泓都位處堅尼地城海旁,屬市建局重建項目,樓齡12年,共1,188伙,平均實用呎價約18,900元(建築約14,100元),開則以兩房單位為主,比例接近七成,入場費約790萬起。3座大廈以第1座最臨海,景觀遼闊,不過後面嘅第2、3座都有唔少單位望到海景;由屋苑行去堅尼地城站步程唔使5分鐘。

泓都

至於帝后華庭,同樣係市建局項目,樓齡相若,亦都擁有鄰近港鐵西營盤站嘅地利,但不設會所。屋苑平均實用呎價約17,100元(建築約11,700元),一樣主打兩房戶,佔近五成,入場費約800萬。

尋找帝后華庭筍盤

值得一提,泓都同帝后華庭都有提供1房細單位,可以話係平價進駐區內大型屋苑嘅入場單位。最新成交有帝后華庭2座低層H室,實用面積322方呎(建築468方呎),早前以578萬元成交。

12校網 過半學校有聯繫/直屬中學 

除咗11校網之外,隔籬灣仔區嘅12校網,學校質素亦不俗,名校包括聖若瑟小學同瑪利曼小學等。12校網學校有個特點,就係聯繫、直屬、同「一條龍」中學嘅比例高,17間小學入面,有4間有聯繫中學、6間有直屬中學同1間有「一條龍」中學。

網內有直屬中學嘅學校都係女校或者男校,女校有瑪利曼小學、嘉諾撒聖方濟各學校、聖保祿天主教小學;而男校就有聖若瑟小學、番禺會所華仁小學上午校及下午校。佢哋嘅直屬中學,間間都係以英文授課嘅名校。

延伸閱讀:【校網攻略2017】一街四校網 校網點分你要知

至於聯繫學校方面,4間都係官立小學,當中值得一提嘅,有軒尼詩道官立小學同軒尼詩道官立小學(銅鑼灣),兩間學校都同傳統名校皇仁書院有聯繫。教育局資料顯示,聯繫中學喺「統一派位」程序,要預留25%學位俾相關小學,雖然比例唔及直屬中學嘅85%,但相比起其他學校,始終機會稍勝一籌。

灣仔尚翹峰3房多 

講返區內嘅屋苑,12校網所在嘅灣仔區,大型屋苑唔多,其中尚翹峰算係交投比較活躍嘅屋苑。屋苑共有3座,座落灣仔鬧市,行去灣仔站只需大約3分鐘。屋苑依家平均實用呎價約17,900元(建築13,000元);全盤652個單位中,以兩房為主,佔近七成。不過,屋苑都有過200伙係最受家庭客歡迎嘅3房間隔,係灣仔市區一帶比較多同類供應嘅年輕屋苑,呢類單位入場費1,000萬左右。

尋找尚翹峰筍盤

最後介紹多一個12校網嘅屋苑——修頓花園,雖然物業原則全部都係1房同兩房單位,但係單位實用面積由401至591方呎(建築542至790方呎),就算係家庭客都可以因應需要,靈活改變室內間隔。

修頓花園-維基

修頓花園樓齡28年,不過因為係灣仔站嘅上蓋項目,由屋苑入口行去車站入口,距離只係大約30米,加上附近有唔少商舖,相信配套方便可補樓齡偏高嘅不足。屋苑平均實用呎價14,000元(建築約10,600元),入場費約600萬。

尋找修頓花園筍盤

school

返回校網攻略2017目錄