GoHome.com.hk
ENG

熱門村屋地區-元朗錦上路村屋 28分鐘到香港站

2016-10-18 12:05:27

村屋可以搭港鐵返工係咩玩法? 話說港鐵西鐵線上有一個車站,叫錦上路站,好多朋友可能未去過,以為係好遠嘅地方。但根據港鐵網站,由錦上路到荃灣西車程只需要8分鐘,如果你喺中環IFC返工,搭去香港站都只係28分鐘,很想要吧?

元朗村屋盤搜尋

村屋Yuen Long district in Hong Kong

名門物業高級物業顧問林建華表示,元朗區的村屋分布很廣,當中正正以錦上路一帶最受用家歡迎,皆因此處為西鐵線由荃灣進入元朗的第一站,而且距離大欖隧道轉車站亦都唔遠,交通方便。佢話現時錦上路一帶面積700方呎的村屋,入場費約330萬元,一般係中層單位。當然,村屋同車站距離有近有遠,所以華哥都話,以有小巴到嘅村屋最受歡迎。

延伸閱讀:村屋與一般住宅按揭大不同

華哥指出,用家中以上車客佔多,來自不同區份,主要因為外面市區呎價貴,村屋空間較大。事實上,300萬嘅預算,就算喺屯門、元朗、天水圍嘅上車屋苑,都未必有好多選擇。

佢又補充,有啲客喺錦上路揀唔啱,會去到近天水圍嘅廈村,嗰度入場費更平,只需要280萬左右,但比起錦上路車程就遠少少喇,單係搭西鐵就要搭多10分鐘。

延伸閱讀:買村屋知多D 入市前必睇!

另外,其實換樓客都唔少,不過華哥就指出,佢哋就比較鍾意全幢物業,或者買兩層連天台,總之要夠大,而現時元朗標準2100方呎嘅全幢村屋,入場費大約880萬。至於投資者,華哥話主要會物色低水物業,地段不拘,但因近期樓價升幅不小,投資者亦較少出手,廿個客都未必有一個係買嚟投資。

最近元朗有新盤熱賣,華哥坦言呎價唔貴,對村屋市場都有一定影響,但就話整體交投都可以保持平穩。樓價方面,年初至今元朗區普遍村屋樓價升咗大約一成,個別升幅更高。

延伸閱讀:租住村屋5個要留意事項

至於市況,Ken話10月上半月西貢區大約有25宗成交價1000萬元以下嘅中細價樓成交,雖然比之前幾個月略為減少,但考慮到之前屬於傳統旺季,市況都算係大致保持平穩;投資者受辣招影響,入市比例唔高,只佔兩成,市場繼續由用家主導。

價錢方面,Ken指出,年初到依家區內中細價村屋價錢,平均升咗5%至8%,但個別高價成交,呎價可達10000蚊水平,比起一般8000幾蚊高出好多,相當誇張。

返回置業投資專題目錄