GoHome.com.hk
ENG

【校網攻略2017】靚校網 低水盤

2016-11-16 13:15:05

平住34名校網大屋苑 

好多人會覺得要喺名校網買大屋苑所費不菲,以34校網為例,指標屋苑何文田半山壹號入場費1,700萬,可能月入要6位數字先供得起。

半山壹號

不過,原來喺10年前當時嘅教統局合併校網,將原來嘅土瓜灣校網併入何文田34校網,令到傲雲峰同翔龍灣兩大新晉屋苑,都改屬34校網。

34校網有17間官立或資助小學,當中名校有協恩中學附屬小學,其直屬中學協恩中學,係九龍區首屈一指嘅女校。雖然協恩中學係直資學校,但附屬小學都係資助學校,家長喺小朋友讀小學時,負擔可以冇咁大。

延伸閱讀:【校網攻略2017】國際學校好選「宅」

school

另外,校網入面嘅兩間官立小學,農圃道官立小學同馬頭涌官立小學,亦都同伊利沙伯中學有聯繫。伊利沙伯中學同樣係校風同語文水平頗佳嘅英文官立中學,現任律政司司長袁國強都係該校畢業生。

至於聖羅撒學校同陳瑞祺(喇沙)小學,都係校網入面有名嘅好學校,各位家長可以再細心比較每間小學。

延伸閱讀:【校網攻略2017】一街四校網 校網點分你要知

傲雲峰660萬入場 

講到區內屋苑,34校網內嘅傲雲峰,喺2004年入伙,樓齡12年,有6座樓高逾50層嘅住宅大樓,提供2,208伙,當中多達92%為兩房單位,實用面積452至540方呎(建築605至719方呎),入場費約660萬;三房套房單位僅在2及7座提供,入場費980萬。屋苑戶型分布簡單,A、D、E、H室均屬「長廳」設計,惟A及H室其中一間房有斜角;餘下的B、C、F、G室均採「日字廳」布局。

尋找傲雲峰筍盤

土瓜灣雖然係舊區,又缺乏大型商場,但附近都有唔少街舖,無論係飲食定日常生活需求都不假外求。而根據港鐵最新評估,沙中綫可能趕及在2019年通車,屆時土瓜灣站會有行人隧道通去傲雲峰旁嘅北帝街;到時喺土瓜灣站搭車過海,車程只需要十幾分鐘,而且可免受塞車之苦。

傲雲峰

翔龍灣兩房單位細 520萬上車 

至於同屬區內指標嘅翔龍灣就更簇新,樓齡只有10年,5座1,782伙入面,有六成屬兩房間隔。標準兩房戶實用面積360至500方呎(建築500至585方呎),普遍較傲雲峰為細,所以入場費亦較相宜,叫價由520萬元起。至於餘下單位,主要都係淨三房及三房連套房,入場費660萬元起。

尋找翔龍灣筍盤

比起傲雲峰,翔龍灣無疑係較遠離將來嘅土瓜灣站,但樓下就係巴士總站,交通其實都好方便;而且屋苑臨海,超過一半單位睇到海景,兼入場銀碼細,點樣取捨,真係要睇下各位嘅喜好喇。

延伸閱讀:土瓜灣翔龍灣租盤供不應求 3房戶月租約2.7萬元

DIGITAL CAMERA

返回置業投資專題目錄