GoHome.com.hk
ENG

【校網攻略2017】國際學校好選「宅」

2016-11-16 09:00:44

香港嘅國際學校,唔包括在「小一入學統籌辦法」之內,所以家長無論住邊都可以報讀。問題係,舟車勞頓始終對小朋友冇咩好處,所以今次我哋為大家介紹一啲毗鄰國際學校嘅新盤或者半新盤。 

school Teacher reading her pupils a story

滿名山近哈羅 戶型豐富 

有超過400年歷史嘅英國哈羅公學,係當地有名嘅貴族學校,過去培育過7位英國首相,故有首相搖籃之稱。2012年,佢哋喺屯門開辦哈羅香港國際學校,係全港首間寄宿制國際學校。校園佔地超過40萬方呎,提供全日幼稚園至13年級嘅課程,幼稚園每年學費約14萬元,1至13年級則由約16萬至19萬元。雖然學費高昂,但收生反應一直非常熱烈,開辦一年即要提前擴建計劃。

新盤滿名山就喺學校隔籬。滿名山共有1,100伙,分布在「滿庭」、「名庭」同「山庭」3個區域。

延伸閱讀:【校網攻略2017】一街四校網 校網點分你要知

其中,「滿庭」有11座13或18層高住宅,屬項目伙數最多及密度最高的部分,每層單位數目由5至9伙;間隔相當多元化,除開放式、1房、2房、3房套房等之外,亦有3房套房連工作間及洗手間的大單位。

尋找滿名山筍盤

「名庭」有9座7層高住宅大廈及9座洋房,住宅大廈全部採一梯兩房設計,且全屬4房雙套連工作間及洗手間間隔;洋房則全為兩層高,另連車庫及天台,實用面積逾2,800方呎。

滿名山

至於「山庭」則有34座洋房,實用面積由1,785至2,865方呎,3房至4房間隔。

雖然滿名山位置遠離市區,但附近嘅黃金海岸商場可滿足基本生活需要,而除咗屋苑本身有個室內外面積超過6萬方呎嘅會所,對面仲有多個泳灘,放假唔愁冇節目啦。

天賦海灣毗鄰墨爾文國際學校 

今年開始接受報名、預計2018年開學嘅香港墨爾文國際學校,最大特色係全港首間引入「森林學校」課程嘅國際學校;首年提供380個學額,招收1至9年級學生,預計每年學費14.8萬至17.3萬。因為位於大埔白石角嘅校舍面積唔大,未能提供宿舍,鄰近學校嘅居所更見重要。

海鑽.天賦海灣

講到白石角,近年其實都有唔少地皮批出,但最近墨爾文國際學校嘅,始終要數天賦海灣系列嘅項目。天賦海灣分3期發展,共有40座分層住宅及26座洋房,提供多達1,223伙。

最先入伙嘅天賦海灣1期,佔482伙,由最細1房單位實用面積631方呎、到最大洋房2,968方呎都有。其中,1至9座望一線吐露港景觀嘅標準戶,全部屬4房雙套房或以上嘅間隔,實用面積均逾1,600方呎。

延伸閱讀:【校網攻略2017】九龍區名校網選「宅」

2期「溋玥.天賦海灣」位於「後排」位置,同海景基本上無緣,但賣點係呎價較平,實用645方呎嘅1房單位,最近二手成交價約742萬,為11座中層E室,實用呎價11,504元;3房套房連儲物房單位二手成交,就有12座中層A室,實用面積1,105方呎,成交價1,338萬,實用呎價12,109元。

至於最新一期「海鑽.天賦海灣」只有193伙,雖然位置比1期稍為遠離海邊,但九成單位望到海,間隔由3房套房至4房3套房都有,對預算鬆動嘅買家嚟講,係唔錯嘅選擇。

尋找天賦海灣筍盤

天賦海灣位處嘅白石角係近年嘅新發展區,購物配套一直令唔少買家卻步,不過近年隨住「海鑽.天賦海灣」同旁邊「逸瓏坊」嘅商舖陸續開業,唔知會唔會令你改變原有嘅諗法呢?

Shrewsbury落戶峻瀅旁 

教育局2015年批出5幅地皮興建國際學校,其中一幅喺將軍澳峻瀅1期同峻瀅II旁,校名叫Shrewsbury International School Hong Kong。此校大有來頭,皆因提出進化論嘅生物學家達爾文都讀過Shrewsbury School。

值得一提嘅係,Shrewsbury喺提供864個小學學額,有80%會預留俾非本地學生,即係有20%可供本地生報讀,比例喺同期獲撥地嘅國際學校中最高(其餘只有2%至15%)。

The Beaumount 峻瀅

尋找峻瀅筍盤

峻瀅分兩期發展,1期在2013年入伙,全盤6座,2房及3房套房單位大約各佔一半,實用面積由497至764方呎;峻瀅II則料今年入伙,面積與1期相若,實用499至765方呎,而872伙中,2房佔三分之二,餘下為3房套房間隔。

延伸閱讀:峻瀅開盤一天即獲承租 低層兩房戶月租1.45萬

峻瀅1期現時平均成交呎價約10,000元(建築7,600元)。最新成交有峻瀅7座高層E室,實用面積695方呎(建築917方呎),以695萬成交,實用呎價1萬元(建築7,579元)。

返回置業投資專題目錄