GoHome.com.hk
ENG

【校網攻略2017】九龍區名校網選「宅」

2016-11-16 14:15:38

九龍41校網粒粒皆星 

九龍區一共有10個校網,同港島區一樣,有個粒粒皆星嘅校網——41校網(九龍城),同樣係名校多,就算最普通嘅都有一定水平。除此之外嘅34校網(何文田/啟德)、35校網(紅磡),都係名校雲集;31校網(尖沙咀/油麻地)、32校網(旺角)、48校網(觀塘/牛頭角/油塘),雖然名氣唔高,但校網內都不愁沒有好選擇。

至於40校網(深水埗)、43、45校網(黃大仙)、46校網(九龍灣/觀塘/牛頭角),就屬於普通之選。

喇沙小學係41校網入面嘅著名男校,有直屬中學喇沙書院。好多「喇沙仔」喺社會不同嘅範疇都上有所成就,著名校友有財政司司長曾俊華。

延伸閱讀:【校網攻略2017】香港區名校網選「宅」

喇沙小學

校網內優質女校就有嘉諾撒聖家學校、嘉諾撒聖家學校(九龍塘),英文中學名校嘉諾撒聖家書院,係佢哋嘅直屬中學;另一女名校瑪利諾修院學校(小學部),亦設有直屬關係嘅中學部,亦都係一流嘅傳統名校。

成功入讀有直屬中學嘅學校,升學壓力自然冇咁大,但其實校網入面好多學校質素都唔差,例如被稱為「舊小拔」嘅拔萃小學,雖然2010年已經同拔萃男書院脫鈎,但仍然深受家長歡迎。

延伸閱讀:【校網攻略2017】靚校網 低水盤

畢架山一號近港鐵站大型商場 

41校網覆蓋九龍塘傳統豪宅區同九龍城嘅舊區,而校網內嘅大型屋苑,要數九龍塘畢架山一號。全盤16座,共604伙,屋苑依山而建,中高層單位景觀普遍唔錯,而落到山就係大型商場又一城,shopping冇難度;而九龍塘站亦係九龍區一大交通樞紐,交通相當方便。

間隔方面,畢架山一號八成單位屬3房套房間隔,就算屋企有兩個小朋友,都可以有各自嘅私人空間。另外,全部單位都設附有洗手間的儲物室或工人房,即使有工人姐姐的家庭,亦都唔怕唔夠地方用。

畢架山一號現時平均實用呎價約26,600元(建築20,000元),近期成交有1座中層E室,實用面積1,099方呎(建築1,487方呎),以2,621萬成交,實用呎價23,849元(建築17,626元)。

尋找畢架山一號筍盤

???????????????????????????????????????????????????????????????

碧華花園戶戶過千呎 

如果唔怕屋苑樓齡稍高嘅家長,亦都可以考慮座落喇沙利道嘅碧華花園,同一個價錢,可以買到更大嘅空間。碧華花園共有10座,原則只有兩種間隔,分別係實用面積約1,211方呎(建築1,308方呎)嘅3房套房單位,以及實用約1,607方呎(建築1,742方呎)嘅4房套房單位。樓齡36年嘅碧華花園,雖然冇會所設施,不過單位內櫳大,要多劃一間房亦都冇難度。

基本上屋苑所有C同D室嘅3房單位,都係望內街及同屋苑樓景為主,景觀一般,但勝在夠平,例如10座低層D室,早排就以1,608萬元連車位賣出。至於較大嘅A同B室,景觀分望喇沙書院(1至5座)同界限街(6至10座)兩種,後者車聲較嘈,價錢較平,最新成交有9座低層A室,連車位賣2,108萬。

尋找碧華花園筍盤

部分半新盤不屬41校網 

一開始都提到,九龍城一帶嘅舊區,都屬於41校網,近年嗰邊都有唔少單幢新盤落成,例如「御門.前」、「金.御門」、「御.太子」等,有興趣嘅家長都可以發掘一下有冇心水樓盤。

不過,要提提大家,樓齡算係比較新嘅豪門、「御.豪門」,雖然一般印象係喺九龍城,但實際上喺黃大仙區,屬於43校網;而位置比起畢架山一號更高嘅畢架山峰,其實位處深水埗區,屬40校網。

每個校網都各有優點,但買錯隔籬好無謂啫,所以入市之前,都係自己做好功課啦!

延伸閱讀:【校網攻略2017】國際學校好選「宅」

35校網小班教學比例高 

跟住落嚟要介紹嘅就係35校網,校網主要範圍包括紅磡區,只有7間小學,但評價普遍唔錯,例如馬頭涌官立小學(紅磡灣)、天神嘉諾撒學校同聖公會奉基小學等。其中,天神嘉諾撒學校係一條龍學校,同傳統名校「天神嘉諾撒學校」結龍,即係小學嘅畢業生,基本上可以直升結龍中學,競爭比起直屬學校更小!

值得一提嘅係,7間學校入面,有多達6間推行小班教學。同學數目少啲,相信老師可以更加照顧到每位小朋友嘅學習需要。

黃埔過萬伙 兼享港鐵便利 

講起紅磡屋苑,當然不得不提黃埔花園,黃埔花園係九龍區第二大規模嘅屋苑,單位數目多達10,431伙,僅次於荔枝角美孚新邨,合共有88座。屋苑主要提供兩房及3房單位,2房入場費590萬元起,3房單位850萬入場,最新平均實用呎價13,600元(建築11,700元)。

黃埔花園本身就有多個商場,而毗鄰嘅黃埔新邨一帶,都有好多食肆選擇。而港鐵觀塘綫延綫喺剛過去嘅10月通車,令區內交通更方便。

尋找黃埔花園筍盤

黃埔花園

海逸豪園樓齡15 

同區海逸豪園都係個唔錯嘅選擇,雖然屋苑距離新嘅黃埔站比較遠,論購物亦唔及黃埔花園方便;但樓齡只有約15年,比起樓齡約25至30年嘅黃埔花園新,而且自成一隅,居住環境唔錯。

由25座組成嘅海逸豪園,一共有4,735個單位,間隔多元化,由1房至4房都有,1同兩房單位入場費分別570萬同720萬,3房套房單位就1,200萬起,最新平均成交實用呎價約15,900元(建築12,400元)。

延伸閱讀:【校網攻略2017】一街四校網 校網點分你要知

海逸豪園

或者有朋友會問,34校網唔係都好受歡迎咩? 冇錯,所以之後我哋會喺另一篇文,教大家點樣可以用屋苑價錢,進駐呢個同樣一流嘅名校網。

尋找海逸豪園筍盤

124

返回置業投資專題目錄