GoHome.com.hk
ENG

【校網攻略2017】一街四校網 點分你要知

2016-11-16 09:32:21

一街4校網

香港嘅小一學位分兩個階段,家長可以為合資格嘅小朋友申請「自行分配學位」,向一間心儀學校報名,而不受校網限制。若然未獲取錄,或者冇參與自行分配,就要參加「統一派位」。

根據教育局資料,「統一派位」會佔該校學位約50%;而喺留俾「統一派位」嘅學位入面,只有約10%學位係唔受校網限制,其餘90%都要跟返學校所屬校網去派。

??????????????????????????????????????????????????????????????

由此可見,如果一間學校有100個學位,唔屬於該校網嘅小朋友,若果喺「自行分配學位」申請失敗,只能夠爭到當中5個學位。所以,如果希望可以喺「統一派位」入到心儀學校,搬入該校網可以話係提高成功率嘅最好方法。

延伸閱讀:【校網攻略2017】靚校網 低水盤

不過,一個區議會分區可能有幾個校網,而校網劃分一般而街為界,所以可能會出現同一條街有幾個唔同校網嘅情況!

Kowloon, View from ICC Sky100, Wonderful City of Hong Kong

上教育局網站check校網界線 

舉個例,單係一條界限街,兩旁物業就屬於4個唔同校網,喺東鐵綫以東、界限街南北兩面分別係34同41校網;而喺東鐵綫以西,界限街南面同北面則分別係32同40校網。

延伸閱讀:【校網攻略2017】九龍區名校網選「宅」

想買到、或者租到心儀學校所屬校網嘅物業,就一定要清楚知道校網劃分嘅界線。方法其實好簡單,就係上教育局網站嘅小一校網名冊(http://www.edb.gov.hk/tc/edu-system/primary-secondary/spa-systems/primary-1-admission/school-lists/),入面有列出每個校網嘅詳細資料,Click入「位置圖」,就會顯示校網界線,紅線框住而有底色嘅物業,都係屬於該校網。

有個小貼士俾大家,用手機上可能顯示唔到有關範圍,所以最好用電腦上呢個網啦。

教育局

32校網 港灣豪庭530萬入場 

34同41校網之前已經介紹過,今次就講下32同40校網嘅名校同屋苑啦。32校網範圍包括旺角同大角咀,名校有中華基督教會協和小學、聖公會基榮小學同大角嘴天主教小學,而其他學校普遍都唔差。

雖然整個32校網8間小學入面,只有塘尾道官立小學同若干官立中學有聯繫,其餘都冇聯繫或直屬中學,但教學水平高,將來喺中學派位時競爭力自然強啦。

延伸閱讀:【校網攻略2017】國際學校好選「宅」

Exif_JPEG_PICTURE

區內大型上車屋苑有大角咀港灣豪庭,共10座,多達3,520個單位,超過七成屬兩房間隔,入場費530萬元起,平均實用呎價約15,100元(建築10,600元)。

尋找港灣豪庭筍盤

剛才講過,check清楚校網界線好緊要,同樣係「奧運站」屋苑,但只有維港灣、一號銀海、瓏璽、浪澄灣同凱帆軒先屬於32校網,柏景灣、帝柏海灣同帝峯皇殿,其實屬於31校網(尖沙咀/油麻地)。

 40校網 美孚新邨伙數多 價低水 

至於40校網,雖然我哋之前提過只係普通之選,但入面一樣有好學校,例如中華基督教會協和小學(長沙灣)、荔枝角天主教小學、以及寶血會嘉靈學校。

尋找美孚新邨筍盤

校網入面嘅大屋苑,要數提供13,149伙嘅荔枝角美孚新邨,雖然樓齡約38至48年,但一直為西九龍的指標屋苑,生活配套亦見成熟。美孚新邨戶型多元化,入場的兩房單位入場價約480萬元起,3房戶則600萬起跳,最新平均實用呎價約10,700元(建築7,900元),大型屋苑嚟講選係低水之選。

美孚

返回置業投資專題目錄