GoHome.com.hk
ENG

2017上車如何計首期 供款表一目了然

2017-02-14 16:27:54

我要上車、上車、上車(重要嘅要講三次),但樓價愈來愈高,點上呀,大家有無留意,雖然美國不斷話加息,但過去一年香港的實際按息只有減,無增,銀行息低對上車人士絕對係佳音,因上車除左首期之外,能否通過壓力測試亦好重要。

依幾年咁多辣招,又話要過壓力測試,究竟仲可以借足九成嗎?人工要幾多先可以買到幾多錢既樓呀?對首次上車的人士來說,必須弄清楚首期的計算及每月供款比例。

其實小編係舊年已經寫過一篇<上車如何計首期 供款表一目了然>,當時假設按息為2.15厘計算,但時光飛逝,H按的“H加部分”,由2016年頭的H+1.7,拾級而下,至2016年尾已經為H+1.35%,2017年伊始,更有銀行將H按調低至H+1.32%,以1 個月拆息0.51%為例,實際按息只為1.83%,比去年3月小編假設的2.15厘,足足低咗0.32厘,條數當然要計過啦。

以下是假設一個第一次置業自住,而且有固定收入的香港人,購買400至600萬的二手物業,係政府多條辣招限制、盡借的情況下,按息以現時市場一般提供為H+1.32%計算(以1 個月拆息為0.51%為例,實際按息為1.83%),首期連雜費支出是多少,供款30年計算,連同按保,每月的供款額又是多少,而經過壓力測試,每月最低入息要求究竟要幾多。

GoHomeHK_downpayment-table

雖然小編知道,依家就算買一千幾百萬樓都有機會係首置人士,但小編唔想離地,係200至400萬的盤源買少見少之下,改認為樓價400至600萬先係上車盤。

尋找400至600萬元筍盤

以上是假設固定受薪的首次置業人士,在多重辣招的限制下,樓價400萬至450萬或以下,按揭成數最高為80%至90%(貸款上限為360萬港元);而購買450萬或以上至600萬的物業,按揭成數最高為80% (貸款上限為480萬港元)。

嘩,買到450萬嘅樓,首期連支出已經要過百萬,係邊到搵!如果你有「父幹」比過百萬你咁好彩,但就過唔到壓力測試,都唔駛太灰,只要搵一個合適的擔保人作為擔保,都有機會可以上車。

近日銀行按揭戰繼續升溫,更有業界人士認為,近日拆息回落至穩定水平,H按本年按息有望挑戰至H+1%水平,而銀行為搶樓按,一般都會向借款人提供不同的現金回贈,而按揭保費不時亦都會有折扣,所以大家入市前,記緊要了解清楚。

政府房策一覽

另外,今年新盤主導,不少買家會考慮購入新盤,購買一手物業,首期相對較購二手物業少,因為代理佣金是由發展商支付。

而近年不少發展商都提供印花稅優惠,大家需要留意是直接扣減樓價,或是以折實樓價後去計算回贈。

此外要留意是,雖然好多新盤都寫明,如買方選用代表發展商的律師,律師費將由發展商支付,不過大部份都並不是全包,發展商一般只會支付處理買賣合約、按揭及轉讓契的律師費用,其他如附加合約、買方提名書、有關樓宇交易之地契、大廈公契及其他樓契之核證費、查冊費、註冊費、圖則費及其他實際支出等等等等……….(下刪一千字)費用,以上都是須要由買家支付,動輒數千至逾萬元。

事實上,近日不少新盤引入高成數按揭,加上部份更講明是毋須壓力測試,實在可大大擴闊潛在客源,因可令唔夠首期的買家都可成功置業;不過小編要提省各位準買家,入市前要留意發展商提供的息口,若成造高成數按揭,面臨樓市下行風險升,無疑埋下負資產危機,所以最後,借用李嘉誠嘅金句,大家入市前記得量力而為呀。

以上資料只供參考,一切以銀行批核為準。

GoHome手記

按揭計算機

物業買賣印花稅

按揭保險表

返回GoHomeTV Channel目錄