GoHome.com.hk
ENG

居屋癲價 上車更絶望

2012-07-30 00:00:00

土生土長的我,發覺香港近呢幾年頻頻發生怪現象,首先唔好講樓市有無升跌,問心嗰句每年樓市都有升有跌,只不過上升速度驚人,回落速度龜速先給大部份人感覺樓市未跌過,原本認為梁振英上場後雖不至於會推倒樓市,但起碼會由政策入手穩定樓市,我既「穩定樓市」意思不單係樓市穩步上揚,更加希望樓市價格能有一個合理價錢,令部份有需要用家能上車。

新特首梁振英上場不足一個月,真係令人大失所望,不但無穩定樓市價格,更令私樓之外既單位售價上升至癲價,真係令人火滾。今年七月中運輸及房屋局宣佈由明年一月起每年5000個名額給予白表家庭免補價購買二手居屋的計起,本人實在見不到其利,先見其害,綠表人士擔心一旦政策實施要同白表人士曾一日之長短,未能及時買到心頭好,趕住政策實施前搶貨,香港區一居屋單位最近成交呎價差不多$8200呎,連新界偏遠地區二手居屋最新成交呎價都要$5900呎,本人真係唔係好明白,如果以現時居屋呎價,點解綠表人士可以買得起,為何政府可以容忍公屋富戶,攞盡政府福利仲可以買到樓,一個中產打工仔家庭月入三萬以上就完全上唔到車,本人並不是眼紅綠表家庭,只是政府一直未有長遠房屋政策,朝令夕改下,無論提供幾多土地,提出幾多打遏樓市既短期措施,都只會肥了發展商,苦了普羅大眾。

返回買家記事簿目錄