GoHome.com.hk
ENG

再談新盤睇法

2012-07-03 00:00:00

今次再講一下新界近期推出既新盤吧。

先說「溋玥・天賦海灣」,雖然之前有所謂地底戶負面新聞,但除咗呢類地底戶外,其實各方面都不俗,而示範單位更只係得「清水房」作參觀,可以話發展商大膽嘗試,雖然呎價維持喺一萬元以下,但大部份單位都以大單位為主,所以最低入場費起碼都要750萬,交通未算四通八達,所以你係有車一族先好諗。

另外, 講到「溱岸8號」,算係近期最吸引既新盤之一,因為該地段一帶近二十年都未有新盤供應,而且位於港鐵站「車公廟站」上蓋,一開售更以平均呎價七千頭先聲奪人,以同區二、三十年樓齡都需要八千至九千蚊呎嚟講,價錢算係非常吸引,單位仲有兩房至四房間隔選擇,可以話照顧到不同需要既買樓人士,雖然同期有「溋玥・天賦海灣」,仲有剛推出既「峻瀅」開售,但只要睇下成交紀錄,高低立見。

七一剛過,新一屆政府剛就職就有四十萬人上街遊行示威,雖然市民普遍不接受其管治手法,發展商亦不停狂掟貨尾套現,歐債危機未明朗等等情況下,下半年樓價下調不足為奇,但講到尾,所謂前車可鑑,特首梁振英先生又點會一上任初期就推冧樓市呢?我認會樓價陰霾氣氛下只會係四平八穩格局,奢望樓價大跌就有點不切實際。

返回買家記事簿目錄