GoHome.com.hk
ENG

村屋成發展商的肥豬肉

2012-11-07 00:00:00

一直以嚟「村屋、丁屋」在香港房地產市場只佔少數,除咗因為本身數量少之外,最重要係大部份原居民寧願長期放租都不會放售,令到成交量少之又少。但近呢幾年,由於各類樓盤處於水深火熱中,令部份發展商開始留意「村屋、丁屋」這塊肥豬肉,亦帶動一些熱門地區既村屋呎價同呎租升值。正如早前我曾提及村屋點劃份一樣,一般村屋分為「丁屋」及「村屋」,但現時部份發展商為了瓜分這塊肥豬肉,紛紛加入戰團,將部份原居民享有丁屋權利之丁權,逐步購入,並將之集結打造為豪華屋苑,屋苑配套更可媲美大型屋苑,這類型單位呎價亦隨即三級跳。

要怎樣選擇合適既村屋居住呢?以前選擇村屋居住莫過於幾個原因︰「可以養小動物」、「有更多空間可以比小朋友活動」、「空氣清新」、「唔需要繳交任何雜費」等等,但現時選擇合適既村屋就等同於選購私人屋苑,據我所知,現時部份村屋屋苑都不可以養小動物,而且管理費比私人屋苑貴逾1至2成,部份更有訂立公契。

如果大家的目標是要選購單一村屋,就要緊記查清查楚所購入之單位是否已完成套丁權手續,而且仲要檢查通往自家門口必經之路是屬於公家路還是私家路,需唔需要向任何人繳交路費,甚至向隔離鄰舍打探一下周邊情況等等。但如果大家的目標是選購大型豪華村屋屋苑,就簡單得多,手續同選購私人屋苑一樣,只需查詢有無訂立公契同辦理相關手續即可。

返回買家記事簿目錄