GoHome.com.hk
ENG

迎海: 點止sell 嗰海咁簡單

2012-08-27 00:00:00

如果大家有睇電視節目,樓房推廣確係創意無窮,近日趁住樓市行情緊湊,熱度升溫,大型新盤就陸續部署係短期推出市場。行頭十足既新盤,當然要數由恒基、新世界同培新一齊發展既烏溪沙項目迎海

呢個項目係宣傳方面認真大陣仗,發展商全港各區係咁進行推廣展覽,好鬼多新奇野!電視推廣又飛天下海,確係勁抽,計番時間,大概最快會係暑假之後有盤出。今次睇起上黎發展商對市場熱度幾樂觀,宣傳對象好勁抽------大小通殺,包括全港各區唔同種類既客源。冇既,單以烏溪沙果區黎講,迎海絕對係區內既焦點項目,有佢既賣點,難怪發展商咁積極。

迎海內地展開路演,路演城市包括福田,廣州,西安,長沙及海口,8月底擴展至北京,上海,杭州,台灣及新加坡等地,為期長達4個月,涉資3千萬元,估計買家當中有2成屬非本地客。睇拍國內兄弟確係頂住我哋香港地產發展...

睇番呢個項目既特點。迎海距離烏溪沙站約2分鐘路程,地鐵方便效應持續,享盡地利;呢個烏溪沙大型新盤總共提供928個單位,種類包括兩房戶至四房戶,可以話係果區入面既新力軍。發展商亦隆重其事,其中恒基除左展覽會之外,仲密密約各大代理做簡介會,目的當然係睇下前線人員點諗,優化自己既銷情!

迎海佔地約137萬平方呎,分為七期發展:第一至六期由發展商持有,東北部既第七期屬於政府用地。項目非常強調環保、低碳同健康。係周圍都係石屎森林既今日,突然出個咁既樓盤,絕對切合到好多高收入人士「悠閒寫意」既格調。呢個項目另一個特點,就係聘用左世界級著名設計師Lord Richard Rogers同佢既建築事務所Roger Shirk Habour +Partners,充分考慮點融入周圍環境,以「Living in a Park」作為概念,打造一個真正既綠色社區。入面充分運用到公共空間,大廈環繞住公園建築,外觀更用上唔同既色彩同綫條,每座大廈都有自己本身既獨特風格。

迎海呢個項目,滿足到上車客同時,亦冇忽略到換樓客同投資客既需求。成個項目環抱吐露港既天然海景,又有兩個沙灘;試諗吓全港入面,有幾多個盤可以連埋沙灘一齊?加埋佢既低密度設計,絕對係優質項目。

大家落區視察一下,就知馬鞍山烏溪沙一帶地區,主要既二手成交都係兩至三房戶;有好多買家已經查詢緊迎海既價錢,好明顯呢區既換樓需求都幾大。市場調查顯示,佢地主要瞄準三至四房戶,好明顯係一批幾有實力既換樓客。

Prof J係好多媒體都講,港鐵係把兩刃刀,十幾年前烏溪沙郊區,而家睇條KCR將香港區距離感大大減少,令到佢走上低密度而又擁抱大自然嘅豪宅區之路,加上巴士公司都因應迎海改動路線,萬事俱備,只欠sell,睇睇今次成績又會點...繼續追蹤,出發.... 

-------------------------------------------------------
徐燦傑 Jeslie Chui (Professor J)
jeslie@ecom-icom.hku.hk
個人簡介︰
- 香港大學工程學院計算機科學系(電子金融服務)榮譽助理教授
- now財經台 ──逢星期二、五「名家給力場 – Prof J 」主持
- 新城財經台 ──逢星期六「投資超廣角」主持
- 財經刊物,報紙,網站專欄作家,包括定期於東方日報, 太陽報「金融徐筆」、智富雜誌(iMoney)「精心傑作」、
  資本一週(Capital Weekly)「賓架人語」等發表文章

- 財經書作者,著作超過23本,總銷量逾130,000本
- 女人魅(F generation) 有限公司董事總經理

 

返回Professor J 樓市財經論目錄