GoHome.com.hk
ENG

新盤鬥「細」吸上車

2016-07-08 17:00:02

樓價雖跌,但仍然離地,近年發展商改變策略,劏細單位以Lumpsum細吸客,去年已有一批單位應市,在買家熱捧之下,極速搶清,掀起上車狂熱,冷靜一輪後,近日又有一批蚊型盤推出,小記即刻為大家分析下。

同大家講講歷史先,以開埠以來,呀,唔係,係一手新例實施後全港最細面積嘅一手新盤,至今仍然由資深投資者盧華家族集團發展嘅尖沙咀AVA 62奪得,該盤提供88伙,單位實用面積由151至253方呎,逾半數單位是200平方呎或以下的單位,其實都應該係近20年來的「絕細」新盤。

今次大家可以較為安慰,因為近日推出嘅四個蚊型盤,最細都有二百幾呎。

123

首先,就係宏安地產提供嘅兩個馬鞍山新盤,同樣是蚊型設計,馬錦街薈朗及恆安街薈晴(The Met. Bliss) 都計劃於今年推出,同樣主打開放式及1房戶,其中薈朗已獲批預售,樓書下月發放,最快於下月底開售,薈晴則待批預售,會跟接薈朗登場。

薈朗提供640伙,開放式單位佔44%,面積221至226方呎,1房戶佔40%,面積283至363方呎,2房戶佔11%,面積約411方呎,另有連天台及平台戶,會所設施包括泳池。

相關文章:宏安馬鞍山薈朗最快8月開售 細單位逾8成

另外,昨日剛開價既長沙灣尚都,合共提供157個住宅單位,實用面積276方呎至458方呎不等,單位間隔分為開放式、1房及2房,當中A及G單位為兩房間隔,B、C及F單位為一房間隔,而D及E單位為開放式,每戶均設露台及或平台,發展商目標客群為單身人士以及小家庭。

相關文章:尚都折實最平358萬起 百利保范統:非常貼地價

事實上,尚都的開放式戶面積較市場上一般的同類單位已經算大。

而於一向供應少的港島區,發展商亦為買家提供蚊型選擇,新地筲箕灣形薈,係新地近年最大規模的舊契重建住宅項目,上月已獲批則,最快本月內推售。

形薈設有兩座,提供650伙,間隔由開放式至四房特色戶都有,單位實用面積281方呎至1,279方呎,當中開放式戶有194伙,兩房比例最多,有301伙,料18年10月交樓。項目設「超強」會所,備有室內外泳池,為港島東罕見。

相關文章:新地筲箕灣項目命名形薈 面積281呎起

GoHome手記

 

返回GoHome手記目錄